مين يعصى أمرك يا حلو
كل شي يرضيك نحن بنقبلو
محال يا ملاك نحن لي سواك
بس ريدنا المعاك تمو وكملو
مهما يجير برضو بنحملو
سيد الدلال مين البسألو
نصبر سنين لمن يلين
وصبر السنين دابو في أولو
يوم ما بنقول دلك بطلو
زيدو زيدوا أوعا تقللو
ليك يا وديع كل ما تريد
وريدنا الشديد أخرو وأولو
خايفين يقول يمشو يقولو
يحن الكلام والابتسام
وحتى السلام يمكن يبطلو
مين يعصى أمرك يا حلو
كل شي يرضيك نحن بنقبلو
محال يا ملاك نحن لي سواك
بس ريدنا المعاك تمو وكملو