وطني حبيبى الوطن الاكبر
يوم ورا يوم أمجاده بتكبر
وانتصارتة مالية حياتة
وطني بيكبر وبيتحرر
وطني وطني
وطني يا مالى بحبك قلبى
وطني يا وطن الشعب العربى
يالى ناديت بالوحدة الكبرى
بعد ما شفت جمال الثورة
انتا كبير كبير كبير
من الوجود كله من الخلود كله
يا وطني
صباح :
حلو يا مجد يا مالى قلوبنا
حلو يا نصر يا كاسى رايتنا
حلوة يا وحدة يا جامعة شعوبنا
حلوة يا أحلى نغم فى حياتنا
يا نغم سارى بين المحيطين
بين مراكش والبحرين
فى اليمن ودمشق وجدة
نفس الغنوة لأجمل وحدة
وحدة كل الشعب العربى
قوميتنا اللى بنحميها
اللى حياتنا شموع حواليها
جنة بتضحك للى يسالم
وجحيم ثاير على أعداينا
شوفو بيروت بعد العدوان
الاستعمار فين والطغيان
كبر الشعب وقوته سادت
وبورسعيد حكايتها اتعادت
عاش وانتصر الشعب العربى
وطني يا أغلى وطن فى الدنيا
وطني يا قلعة للحرية
انتا البانى مع البانيين
و انتا الهادم للعبودية
الصوت صوتك حر وعربى
مش صدا شرقى ولا صدى غربي
ياللى ترابك كحل لعينى
يالى هواك عطرة بيحينى
انتا حبيبى يا وطني العربى
وطني يا ثورة على استعمارهم
املا جزايرك نار دمرهم
لو نستشهد كلنا فيك
صخر جبالنا راح يحارربهم
الاستعمار على ايدنا نهايته
راح من الدنيا زمانه ووقته
لا الجزاير ولا فى عمان
تهدا الثورة على الطغيان
الا بنبض الشعب العربى
وطني يا جنة الناس حسدنها
على أمجادها وعلى مفاتنها
يالى قنالك رجعت ملكك
ونتا الخير الدنيا صاينها
على السد وخد من خيره
صنع وازرع وابنى فى نوره
يا لى علاك فى قلوبنا عبادة
يا وطن كل حياتة سيادة
وطن العزة يا وطني العربى
وطني يا زاحف لانتصاراتك
ياللى حياة المجد حياتك
فى فلسطين وجنوبنا الساهر
هنكملك حرياتك
احنا وطن يحمى ولا يهدد
احنا وطن بيصون ما يبدد
وطن المجد يا وطني العربى