كعب الغزال يا متحنى بدم الغزال
كعب الغزال يا متحنى بدم الغزال
انا شايف الأرض بتتمرجح تحت الخلخال
ما تبطل تمشى بحنيه ما تبطل تمشى بحنيه لا يقوم زلزال
انا كنت مسافر ف الصحرا و مشوارى طويل
ايه اللى غصبنى اروح عندك و ابيع مواويل
اتاريك مكار رحت شاغلهم أويه و مناديل
و نسيت مواويلى بقيت انتا لوحدك موال
ما تبطل تمشى بحنيه ما تبطل تمشى بحنيه لا يقوم زلزال
الحلوه ساعات تهرب ف اليوم سنتين
و ساعات بتقرب و تعوض سنتين ف يومين
هيا الغزلان كلها زيك عايشه بقلبين
وللا انتا بس عشان بختى عجبك ف الحال
ما تبطل تمشى بحنيه ما تبطل تمشى بحنيه لا يقوم زلزال
كعب الغزال يا متحنى بدم الغزال
خليت لى ايه عشان اغنى
دي الخطوه معاك فيها كام غنوه
مفيهمش غنوه مهيش حلوه
لا والله عليك حتة مشيه
لو ساعتى شافتها مهيش ماشيه
دي حاجات مش ممكن يظبطها ولا مية طبال
ما تبطل تمشى بحنيه ما تبطل تمشى بحنيه لا يقوم زلزال