الله حي شعبنا حي وسع سكه لبكره الجاي
ورد شبابنا المصري البلدي و لا في شبه و لا له زي
قولوا شباب قاعدين في كافيه
عفاريت طلعوا ولاد الايه
عارفين امتي و فين ما عليه
شايفين كل طريق للضي
من دمهم الغالي اتوضي
وطن الخوف و الموت و الرده
طلع الصبح و صلي و عده
من لليل امس لاجمل ضي
ياااااااااااااااااه
علي وطن اتهان و اتباع
ياااااااااااااااااااااه
علي شعب اتعري و جاع
سمسروا حتي في الاوجاع
لحمنا كانوا بياكلوا ني br />
ايوووووووووووووووووووب نبي
علشان كان صابر
شوف المصري النبي و الصابر
يطغي عليه الطاغي
و قادر يفضل ثوري و وطني و حي
التحرير كان اسم ميدان
اصبح للثوار عنوان
الشبان قلب الاوطان
هما الفرحه و هما الضي
يوم 25 يناير
هو تاريخ الشعب الثاير
رجعتونا لعزه ناصر
بعد الموت
الوطن اهو حى