صوت الجماهير هو اللى بيصحى الاجيال
صوت الجماهير هو انتفاض عزم الابطال
هو اللى بيتكلم هو اللى بيتحكم هو البطل ورا كل نضال
(عبد الوهاب)
مـــن عهد ادم و الظـــلم حــاول يـعادى دايما شـــمل القلوب
والشعب دايما كان صوته عالى والنصر دايما كان للشعوب
فى تاريخ كل نضال
على مر الاجيال
يبتدى من همسات بترج آهات الظلم فى كل ضمير
وانتصرت خطوات
وانطلقت صيحات
تفضل تكبر تفضل تعلا لحد اللى اتبقا صوت الجماهير
صوت الجماهير صوت الجماهير
(نجاة)
واليوم بنجنى ثمار جهادنا والخطوة عايزة عزم وثبات
فى كل خطوة ملايين بتبنى أجيال طويلة بالمعجزات
أتقابلوا الملايين
يوم ثلاتة وعشرين
يوم الشعب العربى مافجر أول ثورة للتحرير
أتعاهدوا الثوار
واتفقوا الأحرار
يبنوا طريق العزة وحطوا أيديهم فى أيدين الجماهير
صوت الجماهير صوت الجماهير
(شادية)
بطل العروبة رسم حروفها خطوط عريضة فوق الطريق
أهـــلا ومرحب بكل عربى يمد أيده لأخوه الشــــقيق
أهلا بالأبطال
صناع الأجيال
يا اللى الوحدة الأم طريقكم خلوا بقية الركب يسير
سيروا بعون الله
واسعوا بأمر الله
غير الله ما فى قوة حتوقف من تيار زحف الجماهير
صوت الجماهير صوت الجماهير
(فايدة كامل)
باسم اتحادنا قوم يا كفاحنا قل للصهاينة المعتدين
راية العروبة عرفت نجومها من سنة ثمانية و أربعين
حطمنا الأصنام
ومحينا الخدام
ما بقاش فينا عميل بيردد صوت أسياده على المزامير
خط النار موصول
والجماهير بتقول
دقت ساعة العمل الثورى فى فلسطين باسم الجماهير
صوت الجماهير صوت الجماهير
(فايزة أحمد)
يا دولة كبرى فرضت وجودها فداك يا ما ضحى شباب
شهيد حياتك عرف النهارده مارحش دمه تحت التراب
عهد على الملايين
عهد بألف يمين
نحمى تراب أرضك ياجزائر ونحوش عنك بحب كبير.
عهد على الملايين
عهد بألف يمين
عاش النصر بأرض اليمن الحرة وعاش صوت الجماهير
صوت الجماهير صوت الجماهير
(عبد الحليم)
يا شعوبنا الحرة يا عربية كافحى و زيدى ثبات و عناد
وان كان فيه للغدر بقية نار الغدر حطبها رماد
نار بتصحينا .. نار بتقوينا ..
مهما اتآمروا علينا .. مبادئنا بتحمينا
مابقاش فينا خضوع
بابتسامات ودموع
توب الغدر بيفضح نفسه لحد ولو ملفوف بحرير
خط السير معلوم
وطريقنا مرسوم
هو الوحدة والاشتراكية و الاتنين هدف الجماهير
صوت الجماهير صوت الجماهير