اتفضل من غير مطرود
واياك تتجنن وتعود
دا الداخل عندنا مفقود
والخارج من هنا مولود
سلملنا بقى ع التروماي
***
حتسيب مستشفى المجانين
وتعيش مع مجانين تانيين
ما هي دنيا تجن العاقلين
اوعى تروح بقى في الباي باي
***
دنيا بتدي للهبيش
ويا عيني علينا يا حرافيش
نشقى عشان حبة ملاطيش
ما يكفوش العيش والشاي
***
دنيا و دايرة خلف خلاف
والمجانين فيها اصناف
كله لازمله قميص بكتاف
من اوطى ما فيهم للهاي